'Saala anpad gawar jhahil...'

'Saala anpad gawar jhahil...'

Dil kare kuch aur, dimag samjhe kuch aur,
Jhooth bolna toh koi is dil se sikhe.

Pyar sambhalta nahi, phir bhi pyar chahiye,
Udhar maangna toh koi is dil se sikhe.

Gussa aata nahi, phir bhi taav dikhaye,
Dhamki dena toh koi is dil se sikhe.

Muuh fulaye baithe, phir bhi kuch na bole,
Rooth jana toh koi is dil se sikhe.

Dimag k saath hai chattis ka aakda, phir bhi
Dimag ko manana koi is dil se sikhe.

Chaar panktiyon k liye raat ki neend kharab karwaye,
Kavi ki khastaa haalat is naadan ko kaun samjhaye,
Dimaag ko sheh aur maat kar de apne andaaz se kyonki
Shabdon ko tarashna toh koi is dil se sikhe.

-ashay(7th oct, 2k12, 0112 hours)